Informazioa

Prozedura honen bitartez interesdunak administrazioak igorritako dokumentu ofizial baten itzulpena eska dezake.

Interesatuak, dagokion eskabide-orriaren bitartez, edozein agiri administratiboren itzulpena eska dezake bai gaztelaniara bai euskarara. Horretarako, eskaerarekin batera adierazitako agiria aurkeztu beharko du.

Toki-korporazioek tasen ordainketa eska dezakete emandako zerbitzuarengatik.

Dokumentazioa

Izapide honen hirugarren pausuan honako dokumentazioa erantsi behar da:

• Nortasun-agiria
• Besteak
• Itzuli nahi den dokumentua

Legezko informazioa

• Abenduaren 18ko 3/1979 Lege Organikoa, Euskadiko Autonomi Estatutua.
• Herritarrek Zerbitzu Publikoetan Sarbide Elektronikoa izateari buruzko ekainaren 22ko 11/2007 Legea.
• Herri Administrazioen Araubide Juridikoaren eta Administrazio Prozedura Erkidearen 30/1992 Legea.
• Datu Pertsonalen Babesari buruzko abenduaren 13ko 15/1999 Lege Organikoa.
• Datu Pertsonalen Babesari buruzko abenduaren 13ko 15/1999 Lege Organikoa garatzen duen araudia onartzen duen Errege Dekretua.
• 10/1982 Legea, azaroaren 24koa, Euskararen erabilera normalizatzeko oinarrizkoa.
• Bizkaiko Lurralde Historikoaren Tokiko Ogasunei buruzko ekainaren 30eko 5/89 Foru Araua.
• Aplika daitezkeen udal ordenantzak.

Oharrak

Izapide hau hainbat kanalen bidez egin daiteke.

www.gorliz.eu webgunean bitarteko telematikoak erabiliz bidera dezakezu.

Elizako Plaza, 1, 48630 Gorlizen kokatutako udal bulegoetan ere bidera dezakezu. Bertan dagokion inprimakia bete eta «Dokumentazioa» fitxan eskatzen den dokumentuak aurkeztu beharko dira.

Zalantzarik badaukazu edo informazio gehiago eskuratu nahi baduzu, deitu Gorliz Udaleko telefono honetara: 94 677 01 93

Bideratze elektronikoko sistemari buruzko zalantzarik izatekotan, deitu 900 840 250 doako telefono zenbakira BiscayTIKeko Herritarrentzako Arreta Zentroarekin harremanetan jartzeko.